Çfarë është vërtet e rëndësishme për ju në arsim?
Ndoshta është ideja që çdo fëmijë duhet të mësojë të lexojë dhe të shkruajë. Ose që të rinjve u jepet mundësia të ecin në rrugën e tyre – pavarësisht prejardhjes apo statusit të tyre shoqëror.
Fëmijët dhe të rinjtë kanë nevojë për një mjedis mbështetës dhe akses në arsim.
Shoqata ARSIMI është e angazhuar pikërisht për këtë. Për 26 vjet ne mbështesim projekte arsimore në Shqipëri, Kosovë, Maqedoninë e Veriut – dhe gjithashtu në Zvicër.
Ne gëzohemi që mund të mbështesim katër projekte shumë të veçanta në vitin 2025. Iniciativat e mëposhtme u zgjodhën me kujdes nga kryesia:
- Ngritja e bibliotekës shkollore në Tepelenë (Shqipëri)
- Përkthimi i veprës klasike “Sikur të isha djalë” në gjermanisht
- Vazhdimi i projektit të shkollës VisCoKos në Kosovë
Këto projekte krijojnë perspektiva reale – për fëmijët, të rinjtë dhe studentët.
Për t’i zbatuar ato, ne kemi nevojë për mbështetjen tuaj. Ju mund të jeni i sigurt se mbështetja juaj do të arrijë atje ku dëshironi.
Thjesht zgjidhni projektin që është më i rëndësishëm për ju dhe jepni kontributin tuaj në promovimin e arsimit.
Ju falenderojmë për bujarinë dhe përkushtimin tuaj për më shumë oportunitete dhe një të ardhme më të mirë.
Projektet në detaj:
Projekti 1: I financuar plotësisht
Ngritja e bibliotekës në shkollën 9-vjeçare „Xhemal Hada“ in Krahës
- Partner i projektit: Shkolla 9-vjeçare “Xhemal Hada” në Krahës, Tepelenë, rajoni i Shqipërisë së Jugut.
- Objektivi: Përmirësimi i aftësive të leximit dhe dixhitalizimit duke i ofruar mjedise bibliotekës me kompjuterë dhe akses në internet.
- Kohëzgjatja: Gusht – Tetor 2025
- Shuma e projektit: 2700 CHF
- Shuma e kërkuar ende: 0 CHF – I financuar plotësisht
Qëllimi i projektit është përmirësimi i aftësive të leximit të fëmijëve në shkollat rurale në Shqipëri (fshati Krahës). Kjo do të arrihet duke u ofruar studentëve libra shtesë dhe burime informacioni që promovojnë zhvillimin e tyre edukativ dhe të menduarit kritik. Për këtë qëllim, një dhomë e vogël në shkollë do të shndërrohet në bibliotekë. Kjo bibliotekë ofron libra që mund të përdoren në klasë ose të huazohen.
Për përshkrimin më të detajuar të projektit shihni në projektet aktuale:
Ngritja e bibliotekës në shkollën 9-vjeçare „Xhemal Hada“ in Krahës
Projekti 2: Përkthimi i veprës klasike “Sikur të isha djalë” i Haki Stërmillit në gjermanisht
- Partneri i projektit: Dr. fil. Mirëlinda Shala (përkthyese) në bashkëpunim ndërkombëtar me gjuhëtarë, përkthyes dhe redaktorë të ndryshëm nga D-A-CH, Shqipëria dhe Kosova
- Objektivi: Të sigurojë një përkthim cilësor të një vepre të rëndësishme klasike shqiptare për të promovuar dialogun letrar dhe kulturor midis shoqërisë shqiptare dhe asaj gjermanishtfolëse në vendet e D-A-CH.
- Kohëzgjatja: maj 2025 deri në shtator 2026
- Shuma e projektit për kostot e përkthimit, redaktimit dhe botimit: 16,000 CHF
- Shuma e kërkuar ende: 8,000 CHF
Projekti përfshin përkthimin profesional të romanit të rëndësishëm të ditarit shqip Sikur të isha djalë të Haki Stërmillit nga dialekti geg në gjermanisht. Romani u botua në vitin 1936 dhe tani konsiderohet si vepra e parë feministe në historinë e letërsisë shqiptare.
Historia përqendrohet te Shadije (“Dije”), një vajzë e re e bllokuar në strukturat patriarkale. “Jeta jonë është e zbrazët, e pakuptimtë, e trishtuar dhe e pangjyrë. Ajo i ngjan vdekjes më shumë se jetës. Ne jemi të burgosur dhe çdo e drejtë na mohohet”, shkruan ajo e dëshpëruar në ditarin e saj. Fati i saj tregon qartë efektet e kufizimeve sociale që u mohojnë grave çdo vetëvendosje. Lufta e Dijes është ende aktuale në shumë aspekte dhe shërben si një kujtesë se lufta për barazi është ende e nevojshme – dhe jo vetëm në vendet shqipfolëse.
Për përshkrimin më të detajuar të projektit shihni në projektet aktuale:
Përkthimi i veprës klasike “Sikur të isha djalë” i Haki Stërmillit në gjermanisht
Projekti 3: Mini kuzhinë për aktivitete mësimore, Shkolla fillore Halil Alidema, Posharan
- Partner i projektit: Shkolla fillore “Halil Alidema”, Posharan, Kosovë
- Objektivi: Përfshirja e studentëve në mësimet praktike dhe mësimi i aftësive të dobishme për jetën
- Kohëzgjatja: Maj – Dhjetor 2025
- Shuma e projektit: 1,500 CHF
- Shuma e kërkuar ende: 1,500 CHF
Ngritja e një “minikuzhine për aktivitete mësimore” është një ide interesante për të përfshirë studentët në mësime praktike dhe për t’u mësuar atyre aftësi të dobishme për jetën. Kjo mund të jetë gjithashtu një mundësi për të mësuar rreth ushqimit të shëndetshëm, kulturave të tjera dhe mjedisit. Këtu janë disa ide për ngritjen e një kuzhine për aktivitete mësimore.
Temat:
Nxënësit mund të zhvillojnë aktivitete të ndryshme për të eksploruar tema të tilla si ushqimi dhe shëndeti përmes gatimit. Do të mësonjnë se sa e rëndësishme është një dietë e shëndetshme dhe e ekuilibruar dhe çfarë përfitimesh ka për trupin.
Për përshkrimin më të detajuar të projektit shihni në projektet aktuale:
Mini kuzhinë për aktivitete mësimore, Shkolla fillore Halil Alidema, Posharan
Donacione
Çdo donacion është i mirëpritur. Përdorni faturën me kodin QR dhe plotësoni formularin e mëposhtëm, në mënyrë që t’ju dërgojmë një vërtetim për deklarimin e taksave.
Konto ARSIMI, Zürich, CH24 0900 0000 8766 6146 4
